ყველაზე ძლიერი ქალი
მარიამი ერთადერთი ქალია, რომელსაც სურა ეძღვნება ყურანში. ის ღმერთმა გამოარჩია და "მსოფლიოს ყველა სხვა ქალზე აამაღლა"
-
-
-
-
ბმული კოპირებულია
431 წელს ეფესოში მესამე მსოფლიო საეკლესიო კრებაზე მარიამს ოფიციალურად უწოდეს თეოტოკოსი, ანუ ღვთის მშობელი. მას შემდეგ ასეთ სიმაღლეზე არც ერთი ქალი არ ასულა. ის დედობრივი სიყვარულის, ტანჯვისა და მსხვერპლშეწირვის უნივერსალური სიმბოლოა. მისი კავშირი ზეციურთან ბევრად უფრო ხელშესახებია, ვიდრე ოფიციალური საეკლესიო დოქტრინა. პაპმა ფრანცისკემ შეკითხვას, თუ რას ნიშნავს მისთვის მარიამი, უპასუხა: “ის ჩემი დედაა”.
მარიამი ერთადერთი ქალია, რომელსაც სურა ეძღვნება ყურანში. ის ღმერთმა გამოარჩია და “მსოფლიოს ყველა სხვა ქალზე აამაღლა”.
პირველი ათასწლეულის განმავლობაში, როდესაც ქრისტიანობა რომის იმპერიის ოფიციალური სარწმუნოება გახდა და მისი ევროპაში გავრცელება დაიწყო, მარიამს იმპერატორთა თანასწორ ფიგურად გამოსახავდნენ, სამეფო მეწამული და ოქროსფერი სამოსით. მე-12 საუკუნიდან მარიამის სახემ რადიკალური ცვლილება განიცადა და დედის სათნო ფიგურად გარდაიქმნა. რეფორმაციის პერიოდში (1517-1648) მარიამის, როგორც იესოს შუამავლის კონცეფციამ მნიშვნელობა დაკარგა, რადგან პროტესტანტები უშუალოდ უფლისადმი მიმართვის მომხრეები იყვნენ. მაგრამ ესპანელების მიერ ახალი მსოფლიოს დაპყრობამ და, მოგვიანებით, ქრისტიანობის გავრცელებამ აფრიკაში, მარიამს მილიონობით ახალი მიმდევარი შესძინა.
რა ხდება დღეს? რა გავლენა აქვს თანამედროვე ადამიანის ცნობიერებაზე ამ დიდებული ქალის ხატებას? იქნებ ოდნავ გაუფერულდა?
სრული ვერსია წაიკითხეთ დეკემბრის ნომერში.
