ზედგამოჭრილი პროფესია

ერთი ზომისა და ფორმის ნალი ყველა ცხენს არ ერგება. მსოფლიოში ათასობით სტილი არსებობს. არვინ რეინოლდსმა უმეტესობა იცის. რეინოლდსი ნალბანდია და თავის თავს „მენალედ“ მოიხსენიებს. ვაშინგტონში  ასობით ცხენს უვლის, მათ შორის ამერიკის ეროვნული პარკების პოლიციის ცხენებსაც. რეინოლდსის თქმით, შემოწმება ექვს კვირაში ერთხელ ხდება, თუმცა არა იმიტომ, რომ ცხენები ავადდებიან ან ახალი ნალები სჭირდებათ. თურმე ცხენებს ჩლიქები მალე ეზრდებათ და რეგულარულ მოქლიბვას საჭიროებენ.

1. ჩლიქი
ფოტოზე ნაჩვენები ჩლიქიცხენს, სახელად ტონტოს, ეკუთვნის.

2. მჭედლის ყუთი
ყუთში ნალის მოსარგებად და მოსახსნელად საჭირო ინსტრუმენტები, ასევე ჩლიქების მოსაქლიბი და მოსაჭრელი ხელსაწყოებია მოთავსებული.

3. ჩლიქის გამხსნელი
რეინოლდსის თქმით, ამ რკინის ხელსაწყოს ნალის მოსახსნელად იყენებენ.

4. ჩლიქის მეტალის მსხვილჭდევანიანი ქლიბი
ჩვეულებრივი ქლიბის მსგავსად, ეს ხელსაწყოც ჩლიქს ზედმეტ წანაზარდებს აშორებს.

5. ტყავის დამცავი
ტყავის დამცავები მჭედლის ფეხებს იარებისა და ტრავმებისგან იცავს.

6. სამჭედლო ჩაქუჩი
მჭედელი ამ ჩაქუჩს ნალის გამოსაჭედად იყენებს.

7. დამჭერი მარწუხები
მარწუხები საჭიროა გალესვის დროს იარაღების დასამაგრებლად.

8. ჩლიქების ტესტერი
ცხენის ტკივილის შესამსუბუქებლად, მჭედელი მას მგრძნობელობაზე ამოწმებს.

9. ორპირა ჩაქუჩი
დანის პირის მსგავსი ფორმის მეშვეობით მჭედელი ნალს მარეგულირებელ მომჭერს უკეთებს.

10. გრდემლი
მჭედლები ლითონს გრდემლზე აწრთობენ. რეინოლდსს თავისი 46 კგ-იანი გრდემლი ყველგან დააქვს.