ზოლები და მტაცებლები

ნუთუ ზებრას ზოლები მტაცებელს აბნევს? საუკუნოვანი ჰიპოთეზის მიხედვით, მოძრავი ცხოველის ზოლები, კამუფლაჟისგან განსხვავებით, მტაცებელს თავგზას უბნევს და იგი ვეღარ ხვდება, მსხვერპლი საით ან რა სიჩქარით მიემართება. „უამრავი ჰიპოთეზა გვაქვს ცხოველის სახასიათო ფიზიკურ ნიშნებზე, თუმცა ერთიც არ შეგვიმოწმებია“, – ამბობს კემბრიჯის უნივერსიტეტის ბიოლოგი ლორა კელი.

კელიმ და მისმა გუნდმა ონლაინ თამაში შექმნეს, სადაც ადამიანები მტაცებლის როლში არიან. მოთამაშეები ბუნებრივ გარემოში სხვადასხვა სახასიათო ფიზიკური ნიშნების მწერების აღმოჩენას ცდილობენ. „გვინდა, გავარკვიოთ, რა სტრუქტურაა ყველაზე რთულად აღმოსაჩენი მოძრაობის დროს“, – აღნიშნავს კელი.