მონტე-ტესტაჩო, ესაა ბორცვი რომში. მისი სიმაღლე 50 მეტრია და 2 ჰექტარი უკავია. ბორცვი ძველი რომაელების გადაყრილმა ნაგავმა წარმოქმნა.

ნაგავი კი ნახმარი ამფორებია. ღვინის, ზეითუნის ზეთისა თუ თევზის საწებლის გადასაზიდი ერთჯერადი გამოყენების თიხის ჭურჭელი აქ პირველი საუკუნიდან იყრებოდა. რომაელებისგან განსხვავებით, ჩვენთვის ეს სულაც არაა ნაგავი. 

მინაწერის გახსნა

გააზიარეთ ფოტო

მინაწერის გახსნა

დაახლოებით იმავე პერიოდში, არლში (სამხრეთი საფრანგეთი) მდინარე რონის ნავსადგურში მტვირთავები ნაგვის გატანის განსხვავებულ ხერხს მიმართავდნენ – ცარიელ ჭურჭელს პირდაპირ მდინარეში ყრიდნენ. პირველ საუკუნეში არლი რომის იმპერიის გალიის პროვინციის აყვავებული კარიბჭე გახლდათ. საქონელი იქ მთელი ხმელთაშუაზღვისპირეთიდან შეჰქონდათ და ტვირთავდნენ სამდინარო ნავებზე. აქედან მარაგდებოდა იმპერიის ჩრდილოეთი რეგიონები. მოსახლეობას სამხედრო მხარდაჭერისთვის თვით იულიუს კეისარმა უბოძა რომის იმპერიის მოქალაქეობა. ქალაქის ცენტრში, მდინარის მარცხენა სანაპიროზე ახლაც ნახავთ ამფითეატრს, რომელიც გლადიატორთა ბრძოლის სანახავად მოსულ 20 000 მაყურებელს იტევდა.

სრული ვერსია წაიკითხეთ აპრილის ნომერში.