6 აგვ. გარიელის უკანასკნელი საბუდარი ტაბაწყურის ტბა, საქართველო ფოტო: ნიკა მელიქიშვილი ფრთიანი გარიელის (Melanitta fusca) საბუდარი ადგილები საქართველოში 1960-1970-იან წლებში ჯავახეთის პლატოზე არსებული საღამოს, ფარავნის, ხანჩალის, ბუღდაშენის, მადათაფის, კარწახისა და ტაბაწყურის ტბები იყო. მოგვიანებით, უკვე 2000-იანი წლების დასაწყისში, გარიელის არსებობა ჯერ კიდევ დასტურდებოდა ხანჩალის, ბუღდაშენისა და მადათაფის ტბებზე. დღეს ის მხოლოდ ტაბაწყურის ტბაზეღა გვხვდება. მეცნიერები სახეობის გადარჩენას 2017 წლიდან ცდილობენ როგორც საკონსერვაციო სამუშაოების გატარებით, ასევე ადგილობრივი მოსახლეობის ცნობიერების ამაღლებითა და მათი ჩართვით გარიელის შენარჩუნების პროექტში.

კონსერვაცია

გამოწვევებით სავსე წელიწადში იმედისმომცემი ნაბიჯებიც გადაიდგა ბუნებრივი და კულტურული საგანძურის შესანარჩუნებლად. მოწყვლად სახეობათა გადარჩენის, ოკეანის დაცვისა და წარსულისთვის პატივის მიგებაში აირეკლა ჩვენი იმედი და ჰუმანიზმი.