21 ივნ. ვაქცინების მიწოდება სოფლად ტოსამაიდანი, ინდოეთი ფოტო: დარ იასინი ნაზირ აჰმედი, COVID-19-ის ვაქცინებით სავსე თერმოსით ხელში, ჯამუ და ქაშმირის შტატის მდელოებზე ეძებს მწყემსებსა და მომთაბარე მენახირეებს. SARS-CoV-2-ის წინააღმდეგ ვაქცინაციის რბოლაში ჩაბმული ჯანდაცვის მუშაკები ძალას არ იშურებდნენ შორეულ დასახლებებში მისაღწევად. ამ მიუვალ ადგილას მოსახვედრად აჰმედმა კოლეგებთან ერთად ქალაქ სრინაგარიდან სამი საათი იარა მანქანით და შემდეგ ფეხით. ოთხსაათიანი ძებნის შემდეგ მათ ათიოდე ადამიანი აცრეს.

კოვიდი

პანდემიამ 2021 წელს ემოციურად აღმა-დაღმა გვატარა. ვაქცინების გამოჩენამ ოპტიმიზმი ჩაგვისახა, მაგრამ იმუნიზაციის პროცესი დეზინფორმაციამ და დეფიციტმა შეაფერხა. ცხოვრების ძველ რიტმს ნელ-ნელა ვუბრუნდებით, თუმცა ვირუსი კვლავაც საფრთხეს წარმოადგენს.