1888 წელს National Geographic-ი 33-მა გაბედულმა მოაზროვნემ დააფუძნა – მეცნიერებმა, მოგზაურებმა და მკვლევრებმა. მათი მიზანი იყო, ახლებურად შეგვემეცნებინა ჩვენი სამყარო. ისინი საკუთარი დროის მნიშვნელოვან გამოწვევას პასუხობდნენ. რა თქმა უნდა, მას შემდეგ ბევრი რამ შეიცვალა, მაგრამ National Geographic-ში ჩვენ ჯერაც შთაგვაგონებს ეს იდეა: სამყაროს გაუმჯობესების მიზნით გაერთიანებულ ადამიანებს შეუძლიათ მკვეთრად შეცვალონ მსოფლიო. სწორედ ამ განწყობით გვსურს, გაგაცნოთ National Geographic 33-ის პირველი გამოშვება. ეს ინიციატივა გამოარჩევს ადამიანებს, რომლებიც თვლიან, რომ დედამიწაზე არსებულ გამოწვევებს გადაუდებელი რეაგირება სჭირდება შემოქმედებითი მიდგომით და ასეც იქცევიან.
გამაოგნებელი აღმოჩენები და დნმ-ის კვლევის უახლესი მიღწევები ჩვენი სახეობის ევოლუციის ისტორიას ცვლის – იკვეთება იმ იდუმალი „სხვა ადამიანების“ სურათი, რომელთაც ჩვენი წინაპრები შეხვდნენ ევროპასა და აზიაში განსახლებისას.
წითური ჭიანჭველა ტყის დაუფასებელი გმირი და, შესაძლოა, მისი უდიდესი სოციალური ლიდერიცაა.
ახალი კვლევა ააშკარავებს, რატომ მოგზაურობენ შოშიები ასეთ დიდებულ ფორმაცვალებად ღრუბლებად.
მეცნიერები გამოსავალს ეძებენ ამ ნაკლებად გამოკვლეული სახეობების დასაცავად.
