გადაშენების კრიტიკულ საფრთხეში მყოფი სუმატრული მარტორქა.
ბრაკონიერობისა და ადამიანის მიერ შევიწროების გამო მსოფლიოში სულ 80-მდე სუმატრული მარტორქა დარჩა – 70%-ით ნაკლები, ვიდრე 20 წლის წინ. გადაშენების თავიდან ასაცილებლად, ბუნების დამცველებს, National Geographic Society-ს ჩათვლით, ინდონეზიაში დარჩენილი მარტორქები ნაკრძალებში გადაჰყავთ. ტყვეობაში დაბადებული ცხოველები იმედს აჩენენ.
დაბრუნებული არსებები
1980-იან წლებში დიდი პანდების რიცხვი ჩინეთში 1100-ის გარშემო მერყეობდა. დღეს კი, საკონსერვაციო ძალისხმევის შედეგად, დიდი პანდა ამოღებულია გადაშენების პირას მყოფი სახეობების ნუსხიდან
ჰაბიტატის დაცვა, ანტიბრაკონიერული ღონისძიებები და ტყვეობაში გამრავლების დახვეწილი პროგრამები გადაშენების საფრთხეში მყოფი ბიოსფეროს უამრავი წევრისთვის სამაშველო რგოლია. 2019 წელს საფრთხეში მყოფი არსებებიდან ათი სახეობის კონსერვაციული სტატუსი გაუმჯობესდა. კიდევ უამრავს სჭირდება დახმარება, იმ ცხოველების ჩათვლით, რომელთა უფსკრულის პირიდან მობრუნებასაც ცდილობენ ბუნების დამცველები.