მოწყვლადი კოალა: XIX-XX საუკუნეებში კოალებზე ნადირობამ პოპულაცია გადაშენების პირას მიიყვანა. ფუმფულა ჩანთოსნები ახლა სხვა საფრთხეების წინაშე დგანან: კლიმატის ცვლილება, სატრანსპორტო გზები და სქესობრივი გზით გადამდები დაავადება, ქლამიდიოზი, რომელიც ჯგუფს ხშირად 100%-ით აინფიცირებს. ხანძრები მათთვის განსაკუთრებით სახიფათოა. კოალები ევკალიპტის ფოთლებით იკვებებიან და ხიდან იშვიათად ჩამოდიან; ამიტომ აღმოსავლეთ ავსტრალიის ხანძრებმა ბევრი მათგანი იმსხვერპლა. კვინსლენდში, ბირვაში მდებარე ავსტრალიის ზოოპარკში კოალები ერთმანეთს ეხუტებიან.

ეს ცხოველები ხელიდან გვეცლებიან

პანდები და ვეფხვები წარმატებული კონსერვაციის სანიმუშო ცხოველები არიან, მაგრამ ათასობით სხვა არსება, რომელიც ეკოსისტემის მნიშვნელოვან რგოლს წარმოადგენს, ჩვენი ყურადღების მიღმა რჩება

ტექსტი: კრისტინ დელამორე

ფოტო: ჯოელ სარტორე

ბმული კოპირებულია

აპრილი, 2020

რუბრიკა: სამყარო

გადაშენების საფრთხე 30 000 სახეობას ემუქრება, რომელთაგანაც 28% რეპტილიაა; ზღვის კუების 7 სახეობიდან 6 საფრთხეშია. კლიმატის ცვლილება, ჰაბიტატის დაკარგვა, მტაცებლები და პესტიციდები ფრინველთა რაოდენობას ამცირებს და 1970 წელთან შედარებით დღეს ჩრდილოეთ ამერიკაში 2,9 მილიარდი ფრინველით ნაკლები ბინადრობს. ამ ტენდენციის შესაცვლელად მომდევნო 50 წლის განმავლობაში მეტად უნდა ვიზრუნოთ დაუფასებელ სახეობებზე.