2 – საათი იერუსალიმიდან, მანქანით

34% – მარილის კონცენტრაცია

434 – მეტრი ზღვის დონის ქვემოთ

რამდენიმე წლის წინ რიკარდო ბრასი ინსტაგრამს “სქროლავდა“, როდესაც მკვდარ ზღვაში მარილის მცირე კუნძული შენიშნა და სანახავი ადგილების სიაში შეიტანა. კუნძულის მოსაძებნად 24 წლის ფოტოგრაფი ისრაელში წავიდა.

ერთი დღით ადრე
ზღვისკენ გამგზავრება:
ბრასმა ფოტოგრაფიული „ვორკშოპის“ ერთი კვირა გაატარა იორდანიის უდაბნოს, პეტრას ნანგრევებისა და წითელი ზღვის თვალიერებაში. ამის შემდეგ მან, ვილმა ორმანმა და გაი დევისმა მანქანა იქირავეს და ისრაელის საზღვრისაკენ გაემართნენ. საზღვრის გადაკვეთამდე რამდენიმე საათი ცდა მოუწიათ, სანამ სამხედრო წვრთნა დასრულდებოდა. იერუსალიმამდე ავტობუსით გაემგზავრნენ, შემდეგი დილით კი სხვა ნაქირავები მანქანით ეინ-ბოკეკისკენ, მკვდარი ზღვის პატარა კურორტისკენ დაიძრნენ.

ნული დღით ადრე
ძირითადი სამგზავრო ნივთები:
მკვდარი ზღვის წყალი ოკეანის საშუალო მარილიანობას, დაახლოებით, ათჯერ აღემატება. ზღვაში ცურვისა და მის მიმდებარედ საინტერესო ადგილების დათვალიერებისათვის უნიკალური აღჭურვილობაა საჭირო იმის ჩათვლით, რის წაღებაც ბრასს არ უფიქრია:
• საცურაო სათვალე
• ბევრი წყალი
• პირსახოცი
• დრონი ან დრონების გაქირავების საკონტაქტო ინფორმაცია
• კომპაქტური თბილი ქურთუკი უდაბნოს ცივი ღამეებისთვის
• ფართოკუთხიანი ლინზა
• სალაშქრო მაღალყელიანი ფეხსაცმელი

ნული საათით ადრე
სრული მზადყოფნა:
ჯგუფმა კენჭი ყარა, ვინ დარჩებოდა ნაპირზე დრონის სამართავად (დევისი) და ვინ გაცურავდა კუნძულისკენ. 15-წუთიანი ცურვისას ბრასსა და ორმანს მარილიანმა წყალმა თვალები აუწვა და პირი გამოუშრო. სათვალე და წყალი არც ერთს ჰქონდა წამოღებული. კუნძულზე ისინი მზეზე ნებივრობდნენ, დრონი კი ზემოდან ფოტოებს იღებდა.