როგორ შეიძლება დაიცვა ფაქიზი ფოტოკამერა, როდესაც ღონიერ და ამავე დროს ფრთხილ ცხოველს იღებ? ამ სირთულეს წააწყდა იასპერ დუსტი შარშან, როდესაც გაბონში ცდილობდა გადაეღო კლიმატის ცვლილების ზეგავლენა ტყის სპილოებზე. მას გადაღებისას არ უნდა დაეფრთხო სქელკანიანი ცხოველები, რათა მათთვის ხელი არ შეეშალა საკვების წყაროს ძიებისას. დუსტმა დახმარებისთვის National Geographic-ის ფოტოინჟინერს – ტომ ო’ბრიენს მიმართა, რომელიც საველე სამუშაოების სირთულეების გადასალახად მრავალგვარ აღჭურვილობას იგონებს და აწყობს. ამ შემთხვევაში მისი დავალება იყო განსაკუთრებულად ძლიერი ფოტოხაფანგის დამზადება, რომელიც არც სპილოებს შეაწუხებდა, არც დაცულ ხეებს დააზიანებდა და მაქსიმალურად ბევრ ფოტოს გადაიღებდა.
1. ფოტოხაფანგის სათავსი
ხმელეთის უდიდესი ცხოველის ზემოქმედებისგან დასაცავად, ო’ბრიენმა რკინის წვიმაგამძლე კონტეინერები ააწყო, რომლებიც, მისი თქმით, „სრულ მზადყოფნაში“ 16 კილოგრამს იწონიდა.
2. ხრუტუნიანი ღვედები ჭანჭიკების ნაცვლად, რათა ფოტოხაფანგების დამაგრებისას ხე არ დაზიანებულიყო.
3. უსადენო სტრობოსკოპული ნათურები
ინფრაწითელი სხივები სპილოებს ანათებდა, მაგრამ არ აფრთხობდა.
4. მოძრაობის სენსორები ინფრაწითელ სხივს ანათებდა, ხოლო ცხოველის მიერ სხივის გადაკვეთის დროს კამერა აქტიურდებოდა და იღებდა ფოტოს.
5. სტრობები სპეციალურ ლიმბზე იყო დამონტაჟებული.
6. სათვალთავლო კამერები
ჩვეულებრივი სათვალთვალო კამერები ხელნაკეთი კამერების სამეთვალყურეოდ გამოიყენებოდა, მაგრამ, როგორც ო’ბრიენი ამბობს, მათ „სპილოები ეშვებით ამტვრევდნენ და ანადგურებდნენ“.
7. მოძრაობის ინფრაწითელი სენსორები
ცხოველის სხეულისგან წამოსული ინფრაწითელი ენერგიის დაფიქსირების შედეგად ამოქმედდებოდა კამერის დიაფრაგმა.
8. ბატარეები
ექვსი ლითიუმის ბატარეა ენერგიით ამარაგებდა ხაფანგსა და სტობოსკოპულ ნათურებს.
9. სადგარები
ო’ბრიენმა მაღალი ტვირთამწეობის სადგარები შეადუღა ხაფანგებისთვის. მთლიანობაში მოწყობილობა, რომელიც მან დუსტისთვის ააწყო, 500 კილოგრამამდე იწონიდა.
