ძველი წელთაღრიცხვით 5000 წლიდან ახლანდელი პერუს ტერიტორიაზე მცხოვრები ადამიანები კარტოფილით იკვებებიან. თუმცა, მცენარის 4000 ნაირსახეობას და კულტურულ ღირებულებას საფრთხეს უქმნის ინდუსტრიული მეურნეობა. დღეს ნოვატორი მზარეულები, როგორიც ვირხილიო მარტინესია, კარტოფილის და სხვა ტრადიციული ანდური საკვების სტატუსს აძლიერებენ მათი გამოყენებით თანამედროვე სამზარეულოში, ე.წ. ნოვოანდინაში.

მარტინესის რესტორან „მილში“, ურუბამბას ხეობაში, მოგზაურებს შეუძლიათ თავად მიიღონ მონაწილეობა კარტოფილის მოსავლის აღებაში. „მილში“ კარტოფილის ნაირსახეობების მრავალფეროვნება (ზოგიერთი ფოტოზეა გამოსახული) ნაწილობრივ მანუელ ჩოკე ბრავოს დამსახურებაა. მან შექმნა მანუელის „სუპერკარტოფილები“, რომელიც უჩვეულო შეფერილობით და ანტიოქსიდანტების მაღალი შემცველობით გამოირჩევა. მანუელი ოკას ბოლქვებს იყენებს ფერმენტირებული სასმელი Miskioca-ს დასამზადებლადაც. კიდევ ერთი რევოლუციონერი, ლიმაში მცხოვრები შეფი პალმირო ოკამპო უნარჩენო საჭმლის მომზადების და მდგრადი საკვების მომხრეა. იგი კარტოფილის ქერქსაც იყენებს საკვებში. თანამედროვე კერძებში წარსულის გამოცდილების გამოყენებაში პერუ მსოფლიოში ერთ-ერთ წამყვან ადგილს იკავებს.