სახლი წყალქვეშ

ერთ დროს გრეის იანგი წყალქვეშ ცხოვრობდა ფლორიდა-კისთან; მან 15 დღე გაატარა 20 მეტრის სიღრმეზე მოწყობილ კვლევით სადგურზე. არწივისებრი სკაროსი ფანჯარასთან ჩაუვლიდა, ზღვის ქორჭილა კი – „თვალს თვალში უყრიდა“.

National Geographic-ის დამწყები მკვლევარი იანგი მარჯნის რიფებს იკვლევს: სად მდებარეობენ, როგორ იზრდებიან და რა ემართებათ.

მაგრამ რიფების ხასიათის რეალურ გაშიფვრას მხოლოდ დათვალიერებით ვერ შეძლებთ. იანგი წყალქვეშა ინდიკატორების სისტემაზე მუშაობს, რომელიც თვალით შეუმჩნეველ პარამეტრებს გაზომავს: საკვებ ნივთიერებათა მოძრაობა, წყლის ტემპერატურა თუ ხმის დინამიკა. „არაერთი წყლის ცხოველი ხედავს ყურებით და არა – თვალებით. გვსურს, რიფი ამ თვალსაზრისითაც გავიცნოთ“, ამბობს ის.