შტორმი, რომელსაც ზოგი ქალი ვერ გაურბის

ჰანა რეიეს მორალესს განსაკუთრებული დამოკიდებულება აქვს იმის თაობაზე, თუ როგორ ხატავს მედია „ძალადობას გადარჩენილ ქალებს“ − ბავშვობაში თავადაც აქვს გადატანილი სექსუალური თავდასხმა, ახლა კი თავდადებით მუშაობს ძალადობას გადარჩენილი ქალების რეალური ცხოვრების აღსაბეჭდად, რომელიც, მისივე სიტყვებით − „გაცილებით უფრო კომპლექსურია, ვიდრე ამას გვიხატავენ“.    

მორალესისა და ჟურნალისტ ავრორა ალმენდრალის ერთობლივი პროექტი − „თავშესა-ფარი შტორმისაგან“ − მოგვითხრობს  წითელი ფარნების კვარტალში მომუშავე ფილიპინელ ქალებზე. მათი დიდი ნაწილი სოფლად მცხოვრებ ტაიფუნებით დაზარალებულ ოჯახებს არჩენს.

2013 წელს ფილიპინებს თავს დაატყდა ტაიფუნი „ჰაიანი“ − ისტორიაში ერთ-ერთი უძლიერესი ტროპიკული ციკლონი. შედეგად, 4 მილიონი ადამიანი გადაადგილდა იძულებით, ამით კი ბოროტად ისარგებლეს ადამიანებით უკანონოდ მოვაჭრეებმა; მათ ბარებში დაასაქმეს  სასოწარკვეთილი ქალები, რომელთა ნაწილი შემდეგ სექსმუშაკი გახდა. 

მგრძნობიარე თემებზე მუშაობამ მორალესი ერთ რამეში დაარწმუნა: „თუ სათანადო დროს დაუთმობ ერთ ამბავს, ნახავ, როგორ უმკლავდებიან ადამიანები სირთულეებს. პირდაპირ არ უნდა დავასკვნათ, რომ „ესაა მათი ამბავი“. ინფორმაცია ყოველთვის მათგან უნდა მივიღოთ“.

ჰანა რეიეს მორალესი

ვრცლად