რიცხვები:

635
ხიდამდე დისტანცია ისლამაბადიდან, კილომეტრებში

150
ხიდის დაახლოებითი სიგრძე მეტრებში

7800
რაკაპოშის მთის სიმაღლე მეტრებში

„ჰუნზას ხეობის დიადი მთები თითქოს რინგზე დემონსტრირებენ უხეშ ძალას“.  — ფაიზალ ფარუქი, პაკისტანელი მულტიმედიური ჟურნალისტი

მყინვარებით ნაკვებ მდინარე ჰუნზაზე გადაჭიმული, ყარაყორუმის ქედის დამაკავშირებელი ჰუსეინის დაკიდული ხიდი ფაქიზ ძაფს წააგავს. მართლაც, ქარის დროს თოკი და მასზე დამაგრებული ხის ფიცრები რხევას იწყებენ.

კადრის დაჭერა:
ფოტოგრაფმა კევინ ფეინერტმა გვერდი აუარა სახიფათო ხიდს, რომელმაც ადრე არაერთი სიცოცხლე იმსხვერპლა. მან ამ ფოტოს გადაღება მდინარის დასავლეთ ნაპირიდან შეძლო. მისი თქმით, ამ ადგილიდან ირგვლივ მდებარე მწვერვალების მასშტაბი საუკეთესოდ აღიქმებოდა.

ცამდე აზიდული:
რაკაპოშის მთა გამოცდილი მთამსვლელების საყვარელი ადგილია. მის ძირში განლაგებულ ბანაკამდე მიღწევა ჰუსეინიდან ფეხით ორ დღეშია შესაძლებელი. ეს ლანდშაფტი თავგადასავლების მაძიებლებს წარმოშობს: სამინა ბეიგი პირველი პაკისტანელი ქალი იყო, რომელმაც ყველა კონტინენტის უმაღლესი მწვერვალები დალაშქრა.

საინჟინრო საოცრება:
ხიდამდე ყარაყორუმის ავტომაგისტრალი – ურთულეს რელიეფზე გაჭრილი 1200-კილომეტრიანი გზა მიდის. შორეული ადგილმდებარეობის და სიმაღლის გამო მისი მშენებლობა თითქმის 20 წელი მიმდინარეობდა. ბრიგადები ჩინეთიდან და პაკისტანიდან ერთად მუშაობდნენ, რათა თავიანთ ქვეყნებს შორის თანამედროვე აბრეშუმის გზა გაეყვანათ.