სვალბარდი თვალსაწიერში
„არქტიკაში ყინული, ლანდშაფტები, ამინდი და ველური ბუნება მუდამ იცვლება – და გვახსენებს, რომ მასთან ერთად იცვლება ყველაფერი სხვაც სამყაროში“. – აკეიშა ჯონსონი
სვალბარდი თვალსაწიერში
„არქტიკაში ყინული, ლანდშაფტები, ამინდი და ველური ბუნება მუდამ იცვლება – და გვახსენებს, რომ მასთან ერთად იცვლება ყველაფერი სხვაც სამყაროში“. – აკეიშა ჯონსონი
-
-
-
-
ბმული კოპირებულია
რიცხვები:
60% – მყინვარებით დაფარული ფართობი
1050 – კილომეტრი ჩრდილოეთ პოლუსიდან
3000 – რეგიონში მობინადრე თეთრი დათვების სავარაუდო რაოდენობა
არქტიკული პანორამები ხშირად ბრტყლად და უკაცრიელად გამოიყურება, მაგრამ ამ ნორვეგიულ არქიპელაგზე მთიანი ლანდშაფტები და 3500 კილომეტრის სიგრძის სანაპირო ზოლია. სვალბარდი დედამიწის უკიდურეს ჩრდილოეთში მდებარე მუდმივად დასახლებული პუნქტია. რეგიონი ხალხმრავალი არაა – თეთრი დათვები ადამიანებზე მეტნი არიან.
რას ნახავთ:
ამ შორეულ მხარეში ყურადღებას სრულად იპყრობს ბუნების გრანდიოზული სანახაობა.
• ნათება: ზაფხულის თვეებში მზე არასოდეს ჩადის, ზამთარში კი არასოდეს ამოდის. ამის ნაცვლად, ჩრდილოეთის ციალი (aurora borealis) ციმციმებს ცაზე.
• ველური ცხოველები: ჩრდილოეთის ირმები და არქტიკული მელები დაეხეტებიან ხმელეთზე, ლომვეშაპები და სელაპები ნაპირიდან მოშორებით ცურავენ, მათ თავზე კი პოლარული ცულნისკარტები დაფრინავენ. თეთრი დათვების შემჩნევა რთულია, თუმცა მათი პირველად დანახვა ლოდინად ღირს.
• ლანდშაფტები: ხედები სავსეა მყინვარებით, ფიორდებითა და თოვლით დაფარული მთებით.
რჩევები ფოტოგრაფებისთვის:
ყოველთვის მზად იყავით ნებისმიერი რამისთვის, – ამბობს აკეიშა ჯონსონი, – რადგან გარემო სწრაფად იცვლება. ხედების და ველური ცხოველების აღსაბეჭდად, გირჩევთ თან იქონიოთ ფართოკუთხიანი და ტელე-ფოტო ლინზები; წყალგაუმტარი კამერის ჩანთა და სმარტფონის ბუდე აუცილებელი ნივთებია. როდესაც პეიზაჟის აღსაბეჭდად ემზადებით, გაითვალისწინეთ ჰორიზონტის ხაზი, რომელიც ადგილის თვალუწვდენელობას გაუსვამს ხაზს. გაზაფხულსა და შემოდგომაზე განსაკუთრებული ყურადღება დაუთმეთ მზის ამოსვლისა და ჩასვლისას შუქით განათებულ ყინულის ნაპირებს და ოკეანეს, რომელიც მოლივლივე მოზაიკასავით გამოიყურება.
როგორ მიხვიდეთ იქ:
სტუმრების უმეტესობა ოსლოდან თვითმფრინავით ჩადის ლონგიირბიუენში, სვალბაარდის უდიდეს დასახლებაში, რომელიც კუნძულ შპიცბერგენის ნაპირზეა განლაგებული. სანდო გზების ნაკლებობის გამო, ექსკურსიისას ძირითადად პატარა გემებს იყენებენ (200 მგზავრზე ნაკლები), რომლებიც მარტივად გადაადგილდებიან ზღვის მასიური ყინულით დაფარულ ადგილებშიც. Zodiac-ის გასაბერ ნავებს მოგზაურები ტუნდრაში გადაჰყავთ სალაშქროდ, გიდების თანხლებით გროტების და ველური ბუნების დასათვალიერებლად.
