რიცხვები:

1 300 000 – კვადრატული კილომეტრი უდაბნო

10 800  – კილომეტრიანი მანძილი სამშობლოდან

3600 – კვადრატული კილომეტრით უდაბნოს ზრდა ყოველწლიურად

„ტბის წყალი ქვიშაში ჟონავს , ასე რომ, წყლის დალევა თქვენივე ნაკვალევიდან შეგიძლიათ ”.– ჯორჯ შტაინმეცი

მომზადება
მსოფლიოს ექსტრემალური უდაბნოების ფოტოპროექტის ფარგლებში ჩინეთის რეგიონის – შიდა მონღოლეთის გიგანტური დიუნების მონახულება მინდოდა. გობიში მოხვედრა მხოლოდ ფეხით ან აქლემითაა შესაძლებელი. ჩინეთის სამხედროები შესვლას აკონტროლებენ, ამიტომ გაუდაბნოების შემსწავლელ ჩინელ მეცნიერებს შევუერთდი. დავგეგმეთ, რომ მე დიუნებს გადავუფრენდი, ისინი კი აქლემით გამომყვებოდნენ. ექვსი თვით ადრე პეკინში ჩავედი ნებართვის ასაღებად და ქარავნის უზრუნველსაყოფად.

საჭირო ნივთების სია
პარაპლანის გამართულობაში რომ დავრწმუნებულიყავი, მისიამდე ყოველ კვირა სატესტო ფრენას ვახორციელებდი. უდაბნოში თავად უნდა იყოთ ავტომექანიკოსიც. თუ საწვავი გაგითავდა – დარჩები საწვავის გარეშე.
• ორი საფრენი აპარატი და სათადარიგო ნაწილები
• 200 ლიტრი საწვავი (ხუთი ფრენა თითოეული პარაპლანისთვის)
• ბრინჯი და მაკარონი
• ჩინური სამხედრო რუკები –  გრძედის და განედის მითითების გარეშე
• მოკლე შარვალი და შალი დღე-ღამის ტემპერატურის ცვალებადობის გამო
• ვისკით და ლუდით დატვირთული აქლემი

მზად ვართ მისიის დასაწყებად
აქლემებიანი გუნდის შესახვედრად პეკინიდან უდაბნოს მახლობლად, ქალაქ ლანჯოუში გავფრინდით. დიუნებში გასვლამდე, წინა ღამით ქვიშაზე დავბანაკდით. საფრენი აპარატი არ გადმომიტვირთავს, სანამ დიუნებს შორის, ვარსკვლავების ქვეშ არ გავშალეთ კარვები.