ხედვა

როიალ ტენბრიჯ უელსის (კენტი) სამაშველო ცენტრში ოთხიოდე დღის, 6.4 სმ სიგრძის მიტოვებული პატარა ზღარბი ეხუტება დაკეცილ პირსახოცს. ამ პატარა არსების ჯანმრთელობისთვის სასიცოცხლოდ მნიშვნელოვანი სითბო და სისუფთავეა.

როდესაც ჰავაის დიდი კუნძულის სანაპიროსთან "აირონმენ" ათლეტები ტრიატლონის პირველ ეტაპს იწყებენ, შეშინებული თევზები იფანტებიან. ღია ზღვაში 3.9 კილომეტრის 17 საათში გაცურვას მოჰყვება 180 კილომეტრიანი რბოლა ველოსიპედით. შეჯიბრი 42.2 კილომეტრიანი გარბენით სრულდება.

ხმალთევზას თავის ქანდაკება (თაბაშირის ყალიბში ჩამოსხმული ასლი) უჩვეულო კომპანიას უწევს თევზების მოყვარულ კანელიელ მარია აგნეს კორნაროს. მან წლების წინ საჩუქრად მიიღო ეს თავი, მას შემდეგ, რაც აკვარიუმების ადგილობრივ გამოფენას უმასპინძლა.

დასავლეთ სასექსის წყალსატევში ბუსუსებიანი ლაყუჩების მქონე 15-სანტიმეტრიანი აქსოლოტლი დაცურავს. სალამანდრას იშვიათი სახეობა, რომლის რაოდენობაც ბუნებაში მცირდება მოწიფულობისას ინარჩუნებს თავკომბალას მახასიათებლებს.

ჩრდილოეთ ჩინეთში ჰერბინის ყინულისა და თოვლის ყოველწლიურ საერთაშორისო ფესტივალზე უამრავი ზამთრის ზეიმი იმართება. მოცურავე, სანამ გაყინულ მდინარე სონგუას ამოჭრილ აუზში ჩაყვინთავს, ძალებს იკრებს.

სტავრიდების გუნდი ჰარმონიულად მიცურავს. თევზების გუნდის ზომა ზოგჯერ 10 მეტრსაც აჭარბებს. გუნდის ლამაზი ფორმა უფრო მნიშველოვან მიზანს - მტაცებლებისგან თავდაცვას ემსახურება. აზორის კუნძულების სანაპიროსთან თევზების გუნდი ჯერ დაიშალა და მერე ისევ შეიკრა, როცა დელფინები, ფრინველები და ზვიგენები მასზე თავდასხმას შეეცადნენ.

ბენინი - ვუდუს დღესასწაული უიდაში. ეს კარნავალი, რომელზეც კილიტებით გაწყობილი კოსტიუმები აცვიათ, ეგუნგუნის სახელითაა ცნობილი. კარნავალის მონაწილეებში წინაპართა სულები ჩასახლდებიან. დღესასწაული ნიგერიის იორუბის კულტურას ეხმიანება. ზოგიერთი შენიღბული სული ცოცხლებს ლოცავს, ზოგი კი რიტუალური ცეკვებით ართობს.

ხანგრძლივი პანორამული ექსპოზიციით გადაღებისას ჯაჭვიანი კარუსელის გარშემო გასაფრენად მომზადებული კოსმოსური ხომალდის მსგავსად იკვრება სინათლის წრე. კარუსელის ტრიალი ზაფხულის საღამოს მხიარულ განწყობას ასახავს (მინესოტა, შტატის ბაზრობა).

ალალი მომენტალურად ტრიალდება წაჭერილი ჩიბუხასგან ვიტბის მახლობლად, ჩრდილო ინგლისის ერთ ჭაობიან ადგილზე თავდასხმის შემდეგ. მტაცებელი ფრინველი, ძირითადად, პატარა ფრინველებით იკვებება, თუმცა შიგადაშიგ ძუძუმწოვრებსა და მწერებსაც მიირთმევს.

რუსეთში, იამალის ნახევარკუნძულის ქარიან ტუნდრაში ჩრდილოეთის ირმის მწყემსების შვილები თამაშობენ. სუსხისაგან ლოყებაღაჟღაჟებული ბავშვები „წუთშესვენებას იღებენ“. მათი ქურთუკები, სახელად მალიტასი, შეკერილია ჩრდილოეთის ირმის ტყავისგან, რომლის ბეწვიანი მხარე შიგნით არის მოქცეული.