ხედვა

გამოქვეყნდა 2013 წლის სექტემბრის ნომერში

14 საათიანი ექსპოზიცია. ფორთოხალი სინათლის დიოდის საკვებად დენსა და "ელექტრულ წვენს" (3,5 ვოლტი) გამოიმუშავებს. ლიმონმჟავას მეშვეობით ელექტრონები გალვანიზებული ლურსმნებიდან სპილენძის მავთულისკენ მიიწევენ.

კიუსიუზე 1117 მ სიმაღლის ვულკანი საკურაჯიმა იღვიძებს: მაგმის ბომბები, განშტოებული ელვა და მტვრის ღრუბელი. 1914 წლის ამოფრქვევის შედეგად, გამშრალმა ლავამ ყოფილი კუნძული ოსუმის ნახევარკუნძულს დაუკავშირა.

ცეცხლი სკუმბრიებს იზიდავს: სინბეის მახლობლად თევზი ბადეში ხტება. მოხუცი მეთევზეები თევზჭერის ამ მეთოდის უკანასკნელი მიმდევრები, მაისიდან სექტემბრის ჩათვლით ღამღამობით მუშაობენ.

ევრაზიული თახვი გზას მიიკვლევს თავისი ქოხისკენ მდინარე ლუარაში. საუკუნის წინ ნადირობამ იგი თითქმის გაანადგურა: მხოლოდ 1200 თახვი შემორჩა. დღეს კი ამ მღრღნელის მილიონი ინდივიდია დაცული, უმეტესად - ევროპაში.

ბრანდენბურგი დამამშვიდებელი ადგილია, თუ ტროპიკულ კუნძულებზე, თემატურ პარკში იმყოფებით, ტემპერატურა ამ სასიამოვნო შენობაში მუდმივად +26°-ია. თუმცა განათებები სხვადასხვანაირია, რასაც სახურავის გამჭვირვალე პანელები განაპირობებს.

ოთახის ღრუბლები აუცილებლადაა იქ, სადაც მხატვარი ბერნო სმილდია. ლანაკენის მახლობლად, ციხესიმაგრეში, მისი ერთ-ერთი საავდრო ღრუბელი ლივლივებს. ღრუბლის შესაქმნელად ის ტენს, კვამლსა და განათებას იყენებს.

ელექტრონულ მიკროსკოპულ ფოტოზე გამოსახულია 0,5 მმ-იანი წყლის დათვი, რომელიც ხავსიან გარემოში ბინადრობს. ეს რვაფეხა უხერხემლო უძლებს უკიდურეს წნევას, რადიაციასა და ტემპერატურას, წლების განმავლობაში ძლებს საკვების გარეშეც.

იეზდის მახლობლად მნახველები დანგრეულ დახმას (დუმილის კოშკი) ათვალიერებენ. ზოროასტრიზმის მიმდევრები მიცვალებულს სპეციალურ წრიულ ნაგებობებზე ასვენებდნენ, სადაც ის ბუნებრივი პროცესებით იშლებოდა.

16 წლის ბიჭის თვალი. სილამაზე ჩვენს თვალშია. თვალის ფერადი გარსის აგებულება გადიდებული მასშტაბითაა ნაჩვენები. ცენტრში შავი წრე გუგაა, ხოლო რქოვანა წამწამებს ირეკლავს. ქუთუთოები ვარდისფერ რკალებს ჰგავს.