კავშირი COVID-ის ჟამს სოციალურ დისტანციასაც საზღვარი აქვს. ყოველგვარი ადამიანური კონტაქტის გარეშე გასული ორი თვის შემდეგ, მერი გრეის სილეომ (მარცხნივ) და მისმა ოჯახმა გამოსავალს მიაგნო. ნიუ-იორკში, სილეოს ეზოში, ისინი თოკზე გაბმული ცელოფნის მეშვეობით ეხუტებოდნენ ერთმანეთს. ფოტო: ალ ბელო, GETTY IMAGES

ცხოვრება COVID-19-ის ჟამს

კორონავირუსმა შეგვიცვალა ამქვეყნად მოსვლის, ცხოვრების და წასვლის წესი

ტექსტი: სინთია გორნი

ბმული კოპირებულია

ნოემბერი, 2020

რუბრიკა: თვალსაჩინო

სიყვარული COVID-ის ჟამს იტალიაში საყოველთაო კარანტინის გაუქმების შემდეგ, მარტა კოლცანიმ და ალესიო კავალარომ ნიღბები აიფარეს და მილანის მახლობლად, სან-ვიტოს ეკლესიაში, ერთ-ერთი პირველი ქორწილიც გაიმართა. ვატიკანმა ეპისკოპოსებს მარტში მისცა უფლება, საკუთარი შეხედულებისამებრ ჩაეტარებინათ ღვთისმსახურება. ფოტო: დავიდე ბერტუჩო

სიკვდილი COVID-ის ჟამს იტალიაში კორონავირუსით გარდაცვლილთა რაოდენობის უეცარი ზრდის შედეგად, ბერგამოს მორგები და კრემატორიუმები გადაივსო, ამიტომ ჩრდილოეთ იტალიის სხვადასხვა ქალაქში კუბოების გადასანაწილებლად ჯარს უხმეს. აქ ნაჩვენებია, როგორ გადააქვთ კუბოები სამხედრო მანქანიდან ნოვარის კრემატორიუმში. ფოტო: ალექს მაჯოლი, MAGNUM PHOTOS

დაბადება COVID-ის ჟამს კიმ ბონსინიორე ბავშვის გაჩენას მანჰეტენის ჰოსპიტალში აპირებდა, თუმცა საავადმყოფოებში არსებული ვითარების გამო გადაიფიქრა და თავის მისაღებ ოთახში იმშობიარა. ექსპერტები ამბობენ, რომ პანდემიისა და არასტაბილური ეკონომიკის გამო წყვილებმა შეიძლება მეტი შვილის ყოლაზე უარი თქვან. ფოტო: ჯეკი მოლოი

გამძლეობა COVID-ის ჟამს 11-კვირიანი სრული ჩაკეტილობის შემდეგ, ჩინეთის ხუბეის პროვინციამ თავის 55 მილიონზე მეტ მოსახლეს სახლში დარჩენის შეზღუდვა შეუმსუბუქა. ნიღბიანი ხალხი გარეთ გამოვიდა, ყოველდღიურ საქმიანობას დაუბრუნდა და სიფრთხილით გაიხსენა მცირე სიამოვნებებიც – მაგალითად, ქუჩაში ცეკვა. ფოტო: GETTY IMAGES