ხედვა

კუვერვილის კუნძულზე პაპუანის პინგვინი ყინულივით წყლიდან ნაპირზე ხტება. მისი კაშკაშა ფეხები გამოსახულებას ავსებს. ანტარქტიდის ნახევარკუნძულზე ამ სახეობის უდიდესი კოლონია (9000-ზე მეტი წყვილი) ბინადრობს.

კიევში რამდენიმე ჰექტარი ტერიტორია შეგროვებული ლითონით, რეზინითა და ხის მასალით ფიტნესისთვის მოუწყვიათ. ყოფილი საბჭოთა ტანმოვარჯიშე ამტკიცებს, რომ 83 წლის ასაკშიც არ დაუკარგავს მხნეობა.

დიდი ოჯახი თევზების გარემოცვაში სადილობს ტიანცზინ-ჰაიჩანის „პოლარული ოკეანის სამყაროში“. იქ შეგიძლიათ თევზის 50-მდე სახეობა მოინახულოთ.

სენდერავასიშის უბე. მეთევზეთა რწმენით, ვეშაპისებრ ზვიგენს იღბალი მოაქვს. ამიტომ ამ სახეო-ბის მოსაზიდად, ბადეებს სატყუარა თევზებით სავსეს ტოვებენ.

გოგონა ტრადიციების ურთიერთკავშირს გამოსახავს: ჰანბოკშია გამოწყობილი და თევზის დიდ ქანდაკებასთან დგას. თევზი კორეული სამზარეულოს მნიშვნელოვანი პროდუქტია.

ძაღლი ბაბუაწვერას პირისპირ (ბალტიმორი). ფოტოგრაფმა აყვავებული მცენარე ძაღლის პირთან გაშლილი მკლავის სიგრძეზე დაიჭირა და ფოტო გადაიღო.

კენტუკის 140-ე დოღი. სოფია გილოტის მობილურზე კიმ კარდაშიანის ფოტო მიუკრავს. წელს, კიმი ამ ღონისძიებას არ დასწრებია.

ცისფერ ლაგუნაში იაპონელები კვარცის ტალახის ნიღბებით ზომბებს ემსგავსებიან. ამბობენ, ეს გეოთერმული წყლები კანის დაავადებებს კურნავსო.

ბავშვები ერთობიან იერუსალიმის ტედი-პარკის შადრევნებში. მბრუნავი წყლის მოცეკვავე ნაკადები სინათლესა და მუსიკას ერწყმიან.

ფარდაზე გამოსახულ სტამბოლის პეიზაჟს თურქულ სატელევიზიო შოუში ფონად იყენებენ. სერიალები თურქეთის მნიშვნელოვან საექსპორტო პროდუქტად იქცა.